A chiad chluich eachdraidheil airson na sgiobaidhean ùr iomain aig UHI aig Farpais Littlejohn, air a dhèanamh comasach le sponsaireachd bho

Rinn Oilthigh na Gàidhealtachd ’s nan Eilean (UHI) agus Comann Oileanaich na Gàidhealtachd ’s nan Eilean (HISA) eachdraidh an-dè agus sgiobaidhean ùr iomain a’ cosnadh deagh bhuannachdan aig Farpais chliùiteach Littlejohn and McHue and Porter. Thàinig sgioba nam fear sa chiad àite, a’ buannachadh Littlejohn Vase cliùiteach, fhad ‘s a chomharraich sgioba nam boireannach an coileanadh iongantach aca, a’ toirt dhachaigh an duais umha. Cha bhiodh a’ chiad turas aca aig an fharpais air a bhith comasach às aonais an taic-airgid fhialaidh a fhuaireadh bhon chom-pàirtiche gnìomhachais, Phort Chisheorn Earr, prìomh iomairtiche anns an roinn lùtha taobh a-staigh na Gàidhealtachd.

Bidh Oilthigh Chill Rìmhinn a’ cumail farpais chliùiteach iomain nan oileanach ris an canar Farpais Littlejohn and McHue and Porter. Tha oilthighean Albannach air a bhith air leth cudromach o chionn fhada ann an leasachadh na camanachd, leis an Littlejohn Vase bliadhnail na theisteanas air an traidisean seo bho 1905. Air a h-ainmeachadh mar an dàrna duais spòrs as luachmhoire ann an Alba, às dèidh Cupa na h-Alba, tha e cudromach gu h-eachdraidheil agus gu cultarail taobh a-staigh an spòrs.

Tha UHI ag obair gu dlùth le HISA, agus b’ i Amanda Fleet, Co-òrdanaiche Leasachaidh Spòrs airson HISA air a bhith na stiùir air cùlaibh leasachadh sgiobaidhean iomain UHI. Bhon a chaidh a cur an dreuchd, tha i air taic a thoirt do leasachadh iomain aig ìre oilthighe agus do chruthachadh air cluba seasmhach air a dheagh fhrithealadh. Leis an àireamh de dh'oileanaich thàlantach a th' ann an-dràsta an sàs ann an iomain taobh a-staigh chlubaichean coimhearsnachd ionadail, bha dùil làidir gum biodh ùidh mhòr ann a bhith a' gabhail pàirt ann an iomain aig ìre oilthighe airson sgioba UHI.

Thuirt i: “Bha am freagairt a fhuair sinn bho na h-oileanaich nuair a chuir iad an sgioba ri chèile iongantach. Tha an sgioba againn air a dhèanamh suas de chluicheadairean fìor thàlantach a tha air bhioran an t-oilthigh aca a riochdachadh. ’S e toiseach tòiseachaidh sgoinneil a tha seo airson fàs na camanachd tarsainn com-pàirteachais UHI agus bu mhath leinn taing mhòr a thoirt don neach-taic iongantach againn, Port Chiseorn, airson seo a dhèanamh comasach.”

Ann an 2023, dhealbhaich HISA Meòrachan Tuigse le Comann na Camanachd, prìomh bhuidheann riaghlaidh na camanachd, a’ gealltainn gun toireadh iad barrachd chothroman do dh’oileanaich UHI san spòrs. Is e deagh chothrom a bha ann a bhith a’ gabhail pàirt ann am Farpais Littlejohn and McHue and Porter gus an co-obrachadh seo a ghluasad air adhart.

Thuirt an Dr Iain Moireasdan, Deadhan Eòlas nan Oileanach: “Is e camanachd an spòrs coimhearsnachd suaicheanta ann an Alba le freumhan domhainn, eachdraidheil anns na sgìrean air a bheil sinn a’ frithealadh. Bidh sinn ag obair gu dlùth le Comann na Camanachd gus cuideachadh le fàs agus leasachadh air geama a tha beòthail agus soirbheachail. Tha e air a bhith na amas pearsanta dhomh fhìn o chionn fhada sgioba iomain an oilthighe fhaicinn agus tha sinn air leth moiteil às a h-uile oileanach againn, a’ chur orra lèine UHI airson a’ chiad uair an dè aig Farpais Littlejohn agus McHue is Porter, agus meala-naidheachd mòr orra uile.”

Mar thoradh air an obair a rinn UHI le Port Chisheorn Earr, mar aon de na com-pàirtichean luachmhor sa ghnìomhachas aca, chaidh iarrtas a chuir a-steach gus iad taic a thoirt do sgiobaidhean ùra fhireannaich is bhoireannaich UHI airson seusan 2024, a’ solarachadh ghoireasan riatanach leithid trusganan, maidean, agus cosgaisean còmhdhail deatamach.

Thuirt Alasdair Fearghasdan, Stiùiriche Port Chisheorn Earr, a’ nochdadh dealas airson a’ chom-pàirteachais seo: “Tha sinn glè thoilichte a bhith a’ toirt taic do na ciad sgiobaidhean iomain a-riamh aig UHI: 'S math a rinn iad airson na choilean iad an-dè, a' chiad chupa sa phoca!”

“Tha planaichean leudachaidh àrd-amasach aig Port Chiseorn anns na roinnean gluasad lùtha agus tuathanas-uisge, a chruthaicheas cothroman agus obraichean ùra do luchd-ceumnachaidh UHI, gu sònraichte ann an sgìrean dùthchail. Tha sinn a’ faicinn an urrasachd seo gu math iomchaidh airson ar gnìomhachais, agus tha sinn air leth toilichte a bhith co-cheangailte ri agus a’ toirt taic do dh’oileanaich UHI.”

“’S e cothrom math a th’ ann cuideachd spòrs nàiseanta na camanachd a bhrosnachadh a tha gu math faisg air mo chridhe mar a tha mòran eile air a’ Ghàidhealtachd agus na h-Eileanan, agus tha sinn a’ coimhead air adhart gu mòr ri bhith a’ toirt taic dha na sgiobaidhean agus gan leantainn san iomain agus nan dreuchdan acadaimigeach.”

Dhaingnich Alison NicUilleim, Stiùiriche Leasachaidh is Adhartais Eaconamach aig UHI, cho cudromach ’s a tha com-pàirteachasan gnìomhachais: “Tha com-pàirteachasan mar seo deatamach do UHI. Tha sinn airson cur ri eòlas ar 36,000 oileanach, gam brosnachadh gus an dreuchdan a leantainn an seo anns na roinnean air a bheil sinn a’ frithealadh. Tha taic bho phrìomh chompanaidhean ann an roinnean fàis mar seo a’ dèanamh fìor eadar-dhealachadh. Tha e na urram a bhith ag obair còmhla ri Alasdair agus an sgioba aig Kishorn Port Earr, oir còmhla is urrainn dhuinn taic a thoirt do dh’oileanaich aig a bheil pàirt chudromach ann a bhith a’ brosnachadh roinn a’ chumhachd ath-nuadhachail anns na deicheadan ri teachd.”

“Tha a h-uile duine aig UHI air leth toilichte gun deach an aisling mu bhith a' cruthachadh sgioba iomain UHI gu buil an-dè, agus cho soirbheachail 's a bha e ann a bhith a' togail na cuach. Cha mhòr nach cluinn mi na h-ìrean fuaim a biodh a’ tighinn a bus an sgioba air an rathad dhachaidh.”